പ്രശസ്ത തമിഴ് സംവിധായകൻ പാ രഞ്ജിത്ത് കണ്ണൂർ അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജിന്റെ മരണത്തിൽ നീതി ഉറപ്പാക്കണമെന്ന് ആവശ്യപ്പെട്ടു. കേരളത്തിലെ ദളിത്-ആദിവാസി സംഘടനകൾ പ്രഖ്യാപിച്ച ഹർത്താലിന് ഐക്യദാർഢ്യം പ്രഖ്യാപിച്ചുകൊണ്ട് എക്സിലൂടെയാണ് (ട്വിറ്റർ) അദ്ദേഹം തന്റെ നിലപാട് വ്യക്തമാക്കിയത്. ജാതിവിവേചനത്തിനെതിരെയുള്ള ശക്തമായ പോരാട്ടമാണിതെന്ന് രഞ്ജിത്ത് അഭിപ്രായപ്പെട്ടു.
നിതിൻ രാജിന്റെ മരണം ഒരു സ്ഥാപനവൽകൃത കൊലപാതകമാണെന്നും ഇതിന് പിന്നിൽ പ്രവർത്തിച്ചവർ ശിക്ഷിക്കപ്പെടണമെന്നും രഞ്ജിത്ത് പറഞ്ഞു. രാജ്യത്തുടനീളം ‘രോഹിത് വെമുല നിയമം’ നടപ്പിലാക്കേണ്ടതിന്റെ ആവശ്യകതയെക്കുറിച്ച് അദ്ദേഹം സംസാരിച്ചു. ഉന്നതവിദ്യാഭ്യാസ മേഖലയിൽ എല്ലാവർക്കും തുല്യവും സുരക്ഷിതവുമായ സാഹചര്യം ഒരുക്കണമെന്ന് പാ-രഞ്ജിത്ത് തന്റെ കുറിപ്പിലൂടെ ഓർമ്മിപ്പിച്ചു.
ബാബാസാഹേബ് അംബേദ്കറുടെ വചനങ്ങളെ ഉദ്ധരിച്ചുകൊണ്ട്, വിദ്യാഭ്യാസത്തിനും സംഘടിത പ്രക്ഷോഭങ്ങൾക്കും വേണ്ടിയുള്ള ആഹ്വാനത്തോടെയാണ് പാ-രഞ്ജിത്ത് തന്റെ വാക്കുകൾ അവസാനിപ്പിച്ചത്. സാമൂഹിക നീതിക്കായുള്ള ഇത്തരം പോരാട്ടങ്ങൾ ഇനിയും തുടരണമെന്ന് പാ രഞ്ജിത്ത് വ്യക്തമാക്കി. READ MOREhttps://periya.in/flexes-for-vd-satheesan-in-kerala-chief-minister/
Leave a Reply