IPL 2026-ലെ ആവേശകരമായ മത്സരത്തിൽ രാജസ്ഥാൻ റോയൽസിനെ ഏഴ് വിക്കറ്റിന് തകർത്ത് ഡൽഹി ക്യാപിറ്റൽസ് മിന്നും വിജയം സ്വന്തമാക്കി. രാജസ്ഥാൻ ഉയർത്തിയ 226 റൺസ് എന്ന കൂറ്റൻ ലക്ഷ്യം 19.1 ഓവറിൽ മൂന്ന് വിക്കറ്റ് മാത്രം നഷ്ടപ്പെടുത്തി ഡൽഹി മറികടന്നു.
IPL 2026 പോയിന്റ് പട്ടികയിൽ നിർണ്ണായകമായ മുന്നേറ്റവുമായി ഡൽഹി ക്യാപിറ്റൽസ്. ജയ്പൂരിലെ സവായ് മാൻസിങ് സ്റ്റേഡിയത്തിൽ നടന്ന മത്സരത്തിൽ രാജസ്ഥാൻ റോയൽസിനെ അവരുടെ തട്ടകത്തിൽ വെച്ചാണ് ഡൽഹി പരാജയപ്പെടുത്തിയത്. ആദ്യം ബാറ്റ് ചെയ്ത രാജസ്ഥാൻ, നായകൻ റിയാൻ പരാഗിന്റെ തകർപ്പൻ ഇന്നിങ്സിന്റെ (50 പന്തിൽ 90 റൺസ്) കരുത്തിലാണ് 20 ഓവറിൽ 225 റൺസ് എടുത്തത്. ധ്രുവ് ജുറൽ (42), അവസാന ഓവറുകളിൽ തകർത്തടിച്ച ഡോണോവൻ ഫെരേര (47) എന്നിവരും രാജസ്ഥാൻ സ്കോർ ഉയർത്തുന്നതിൽ പ്രധാന പങ്ക് വഹിച്ചു.
എന്നാൽ മറുപടി ബാറ്റിങ്ങിൽ ഡൽഹി ക്യാപിറ്റൽസ് തുടക്കം മുതൽ ആധിപത്യം പുലർത്തി.
IPL 2026-ൽ ഡൽഹിയുടെ ചരിത്രത്തിലെ ഏറ്റവും വലിയ റൺ ചേസിനാണ് ജയ്പൂർ സാക്ഷ്യം വഹിച്ചത്. ഓപ്പണർമാരായ കെ.എൽ. രാഹുലും (75) പാത്തും നിസംഗയും ചേർന്ന് നൽകിയ വെടിക്കെട്ട് തുടക്കം ഡൽഹിക്ക് കാര്യങ്ങൾ എളുപ്പമാക്കി. പവർപ്ലേയിൽ തന്നെ വിക്കറ്റ് നഷ്ടമില്ലാതെ 70 റൺസെടുത്ത ഡൽഹി ഓപ്പണർമാർ ഒന്നാം വിക്കറ്റിൽ 100 റൺസിന്റെ കൂട്ടുകെട്ട് പടുത്തുയർത്തി.
രാഹുൽ പുറത്തായെങ്കിലും നിതീഷ് റാണ, ട്രിസ്റ്റൻ സ്റ്റബ്സ്, അശുതോഷ് ശർമ്മ എന്നിവരുടെ വേഗത്തിലുള്ള ഇന്നിങ്സുകൾ ഡൽഹിയെ വിജയതീരത്തെത്തിച്ചു. തുടർച്ചയായ രണ്ട് തോൽവികൾക്ക് ശേഷം ഡൽഹി നേടുന്ന നാലാം വിജയമാണിത്. ഈ ജയത്തോടെ IPL 2026 പോയിന്റ് പട്ടികയിൽ ആറാം സ്ഥാനത്തേക്ക് ഉയരാനും ഡൽഹിക്ക് സാധിച്ചു.
read more https://periya.in/us-eu-tariffs-trump-announcement/
read more https://periya.in/commercial-gas-price-hike-kerala-hotel-strike/
Leave a Reply